Esta fin de semana o equipo Senior disputou o seu partido máis prácido do que levamos de tempada. Enfronte tiñamos ao derradeiro clasificado e a diferencia entre os dous equipos quedou patente xa dende o inicio do encontro.
Como indica o resultado o partido non tivo historia. O primeiro gol chegou aos dous minutos e salvo un par de achegamentos con certo perigo dos locais nestes primeiros compases, non pasamos ningún apuro e os goles foron caendo un tras outro.
Chegábamos ao descanso cun marcador de 0-5.
Na segunda metade baixamos un pouco a presión e o ritmo de xogo conscientes de que o partido xa estaba resolto. A pesar diso aos cinco minutos lográbamos o 0-6.
O Valladares reduciría distancias mediada esta segunda metade e nos últimos cinco minutos volveríamos a meterlle ritmo ao partido conseguindo dous goles máis para por o definitivo 1-8 no marcador.
Partido sen moita historia pero que nos sirve para seguir collendo confianza en nós mesmos e manternos na zona alta da clasificación.
Goles: Berto (2), Migui (2), Xaime (2), Miguel e Xián.
No hay comentarios:
Publicar un comentario